روايات بحرينيه

من طرف **ورقه الضلام** الجمعة يوليو 23, 2010 4:23 am

الجزء الاول
الفصل الاول
عائلة
عائلة حسن
أبو علي : الاخ الكبير في العائله وابو علي وياسر وفاطمه وهدى وبدر وعمره حوالي 53 سنه ويشتغل اعمال حره بمشاركة اخوانه الورثه
أم علي : هي خديجة زوجة حسن وأم اولاده وعمرها 49 سنه
علي : وهو الولد الكبير لحسن وخديجه وعمره 29 سنه ويعمل مدير العلاقات العامه في شركة العائلة
ياسر : متخرج حديثا من جامعة الخليج العربي ومتخصص في طب نساء وتوليد وعمره 26 سنه ويتدرب في مستشفى السلمانيه
فاطمه : عمرها 24 تخرجت من الثانوية وتزوجت وماكملت دراستها الجامعية وهي متزوجه من ولد عمها محمد وعندهم 3 بنات نور وعمرها 4 وساره وعمرها 3 منار عمرها 8 شهور
هدى : ثاني سنة جامعه ومتخصصه محاسبة ماليه وعمرها 19 سنة
بدر : وهو في صف الثالث ابتدائي وعمره حوالي 9 سنين

عائلة حسين
أبو محمد : هو الاخو الثاني لحسن وابو لمحمد وعبدالامير وقاسم وزينب وعمره حوالي 51 سنه
أم محمد : رباب وهي زوجة حسين وعمرها 48 سنه
محمد : هو اكبر اولاد حسين ويشتغل مدير الموارد البشريه وهذا طبعا لتخصصه في الجامعه وعمره 27 سنه
أمير : يشتغل في الشركه مع ولد عمه علي في قسم العلاقات العامه طبعا هذا راجع لفشله في دراسته الجامعية وانسحب قبل التخرج بسنه وعمره لا يتعدى 25 سنه
قاسم : يدرس هندسه بترول في الخارج وعمره 23 سنه ولله الحمد مشى زين في دراسته
زينب: آخر العنقود والبنيه الوحيده لحسين والمدلعة من ابوها وامها واخوانها وهي صديقه هدى الروح بالروح ويدرسون مثل التخصص وفي جامعة وحده ومثل العمر تقريبا الا ان زينب ما كملت 19 للحين
عائلة أحمد
أحمد : عازب ومو متزوج ومستلم الاداره التنفيذيه في الشركه ومقضي وقته في الشركه طول اليوم وعمره 26 سنه
أم حسن : الجده فاطمه عايشه في البيت العود مع ولدها الصغير أحمد
في البيت العود وبالذات في الصاله اللي تطل على الشارع كانوا مجتمعين الاخوان الكبارواولادهم ومن عادتهم يطبخون بكل وفاه وكان ذكرى وفاة فاطمة الزهراء سيدة نساء العالمين وكان الاخوان الكبار حسن وحسين يشرفون على الاكل ويأمرون اولادهم الصغار انهم ينجبون للناس حسب طلباتهم بدون ما يقصرون على احد في حب الصديقه الطاهره وكان الجو حار وبعد صلاة الظهر تحديدا والكل يشتغل بحماس عشان الكل ياخذ غداه قبل الوقت المحدد..........
علي وهو مرفع جموم قميصه ويساعد الشباب في النجاب: يالله يا محمد برز الصحون احترقت ايدي من العيش حار وانت قاعد لي على ثلج
محمد : انا بارد من مساعه للحين وانا رايح جاي ابي ابل ريقي بقطرة ماي ما في مجال دويش انت
علي : اقول يالنسيب انت اشرب ماي لا اروح فيها بسببك بعدين يقولون حرم ولد عمه من شرب الماي بما انك واجد تشتغل ورايح جاي علينه
محمد وهو يهز راسه ويتحلطم: انت مامنك فايده كله حاط عليّ ان ما اشتكيت عليك عند امي العوده يالشيبه بتشوف
علي وهو يضحك على شكل محمد اللي يبين عليه من عمر نور بنته وهو يتحلطم : لااااااااااااااااااااااااااا كلشي الا امي فطوم ما اقدر على زعلها اعرفك زين بتروح تشوشها عليّ
وبعدين جوا امير وياسر وبدر اللي كانت شغلتهم يوزعون الاكل على البيوت
ياسر اللي ميت من الحر : تعالو وزعوا الاكل بدالنا احسن من هواشكم يالجهال قاعدين هني في البراد واحنا بنموت من حراره الشمس وكل واحد وش طوله
امير يقاطعه : والله محد طايح فيها الا امير الفقير صرت جني فحمه من المهاجل
والله ما فلح الا عمي احمد شرد من هالشغل
ياسر : شغلته اخس من شغلتنا هو يهاجل في السياره من مكان لمكان صايدتنه امي العوده
بدر اللي على نياته : هذي احلى شغله ابي اروح بعد
بدر وهو ينادي على ابوه :" بااااااابااااااااا ... بابا" وياخده ياسر ويصك بوزه عشان ما يجي ابوه ولا عمه ويردون يطرشونهم مره ثانيه في هالشمس
محمد يسحبه بدر من ايد ياسر : هيييييي شوي شوي يادكتور على الولد ولا انت بس لطيف مع الجنس الناعم واحنا نموت تحت ايدك
وقعد الكل يضحك : هههههههههههههههههههههههههههههههههههههههههههههه
وفي الجهة الثانية من مدخل البيت الخارجي الا وهو ماتم باب الكراج التابع له يطل على الشارع
ابو علي وهو ماسك ايد صادق ولد جيرانهم : انشالله .. انشالله، واذا قاصرنكم اي شي انا حاضر الخير موجود بس نسألكم الدعاء
صادق : الله يعودكم السنه وكل سنه يابو علي
ابو علي : تسلم والله واذا بغيتون اكثر مايردك الا لسانك
صادق : انشالله .. يالله فمآن لله
ابو علي : فمآن الكريم
وبعدين دخل ابو علي داخل الكراج وراح قعد على الكرسي يريح شوي من الوقفه طول النهار إلا يجي ابو محمد ويقعد صوبه: الحمدلله قدور العيش كلها خلصت
ابو علي : اي والله الحمدلله حتى اللي ما قدروا يجون طرشنه الشباب ليهم
ابو محمد : اي والله البركه على الشباب اما احنا راحت علينه
ابو علي : الا وين أحمد ما شفته اليوم
ابو محمد : امي صايدتنه من الصبح يوزع للحين ما بين
وبعدين دخلو داخل الماتم مع باقي الاهل والنسايب والجيران ونجبوا لهم الغدا واتغدوا الا بدخلة احمد عليهم : اي قولوا جدي من اول انكم بتغدرون فيني لكن الله يسامحكم انا بروح اتغدى ويا امي احسن على الاقل يعرفون لي قدر هناك احسن منكم
الا يناديه ابو علي وهو يضحك عليه : اقول بس تعال النسوان من زمان ركبوا رؤوس القداوه وقفضوا الغدا تعال لا تخفق احسن
الا يقاطعه محمد : الطبخه حلوه ترى خساره من جيسك عمي
امير يقاطعهم وهو نافخ صدره لفوق : افا عليك عمي انا للحين ما مديت ايدي اصلاً ما تطوف اللقمه بدون ما اقابل الغالي
ياسر : عمي لا تضيع وقت ترى بفضون الغنجات عنك يالله تعااااااال
أحمد : اقول ماخليتون لي شي يالآفات ألحق على عمري احسن
والكل قعد يضحك ويسولف على الغدا لين ما خلصوا وطبعا اشتغلوا مع الشغالين في التنظيف وقعدوا يسولفون بعد الغدا عن الشغل في الشركه ومواضيع الموظفين عندهم ومشاكلهم واستمروا لأذان المغرب على هالحال.........

الفصل الثاني:
كانت الجده قاعده على الحصير مع جيرانها العجايز سوالف وضحك وطبعاً القعده ماتخلى من العقره في وسط الدخان الناتج من القدوا الي مايقدرون يقعدون بدونه
أم حسن وهي تنادي على الخدامه:شيري.. شيري..جيبي البُكَر بغطي القدو
أم جابر(هي صديقة أم حسن من ايام الشباب وجارتها البيت بالبيت): خليها تجيب ليّ فحم وياش هذا برد ما منه فايده
أم عيسى وهي تسحب القلم من ايد ام جابر : بسش عاد عطيني بشرب مزتين قبل لا يأذن المغرب واروح بيتنا
جابت شيري الاغراض والقدوع للنسوان وراحت كملت باقي شغلها
ام حسن وهي تمد القدو لام عيسى : تفضلي ياام عيسى مايصير خاطرش الا طيب
وفي الغرفة اللي داخل البيت وهي عباره عن صالتين صغار مفتوحتين على بعض كانو الجناين (نسوان الولد) رباب وخديجة وياهم فاطمة بنت خديجة وبناتها الثلاث نور وساره ومنار وسلوى مرت ولد ام عيسى ولدها محمود ومريم بنت ام جابر
كانت القعده فيها شوي مزح وشوي مشاحنات بين نسوان الحمي
سلوى : اقول فطوووم رحتين معرض الخريف؟
فاطمة : لا والله انشغلنا هني صار لينا جم يوم رايحين راجعين ومانرجع البيت الا نص الليل ومحمد كله مشغول ما يمديني اروح مكان ، فيه اشياء حليوه قد بناتي؟
مريم تقاطعها : وييييع زحمه الروح على الروح والواحد ما يقدر يطالع شي الا دززوا في اجله كأنه بهيمه
وبهالوقت رباب وخديجة كل وحدة تحتقر في الثانيه وخاطرها تفغصها وتفلعها بالنعال وزادت هذي النظرات لين بدأت خديجة ترمي النغزات على مرت حميها باسلوب ينرفز
خديجة : اقول ام محمد متى بتفروحنا في امير بصراحه من زمان ما استانسنا من ديك الساعة اللي........... ولا اقول ليش مايحتاج خلوه عاجبتنه حياة اللعبه والمغازل لا دراسه ولا شي أكل ومرعى وقلة صنعه
هني شوطت رباب بس ما حبت تبين لخديجة وخلت الحمق داخل وابتسمت ابتسامة مسخره وكأنها تستصغرها : والله يا ام علي ..امير بعده صغير الا الدور والباقي على المعقدين اللي بيصكون الثلاثين وهم مو مفكرين في العرس ... اقول خدوج لاتفتحين بيبان مصككه خلينه بالعينها وساكتين احسن
هني حست فاطمة للمشاحنات وجت تركض تعدل الوضع بين امها وعمتها وهي تنادي على امها عشان تعطي منار رضاعتها وتحاول تنيمها وبنفس الوقت تبعدها عن هالجو لاتكبر السالفه
فاطمة : اماه ... اماه منار ما ادري شفيها مو راضيه تنام
ام علي وهي تاخد منار : عطيني اياها كأني اني بروحي بس جدتها
ام محمد وهي تبتسم ابتسامه ساخره وهي تسحب منار منها وتلاعبها : اصلاً بنت ولدي ما تنام عند اي احد
وهني انقهرت ام علي وقامت طلعت عنها برا الغرفه
فوق في الطابق الثاني وبالذات في غرفة محمد القديمة ايام ماكان ساكن في البيت قاعدين البنات زينب وهدى يتصفحون في مجلات الازياء ويتابعون mbc4
هدى وهي تطالع التلفزيون لفت على زينب وهي تقرأ موضوع عن العنايه بالبشره:
زنووووب ما قلت ليش عن داك اللي يلبس نظاره اللي اسمه هادي ويش مسوي
زينب بلهفه : ويش مسوووي بعد ؟؟!!
هدى وهي تضحك : لحق زهرووو لقريب بيتهم ، ((واستمرت في الضحك))
زينب وهي متفاجئه وحاطه ايدها على بوزها : يووووو حلفييييييييي!!!!!
هدى وهي فاطسه من الضحك : اقوليش لحقها وهي بغت تموت من الخوف تقولليّ طاح قلبي في رجولي
زينب وهي تضحك على حال زهراء ( وهي صديقتهم الروح بالروح من ايام المدرسه) : مسكينه زهور والله ماتستاهل ، انزين وبعدين شصار؟؟
هدى وهي واقفه وتقلد على زهراء: تقول وقفت سيارتها على صوب ونزلت من السياره وهي مبرزه روحها حق الهواش وظلت تطالعه بنظرات يتطاير منهم الشرار
الا هو مبتسم في وجهها ويقول ليها : آسف ما كان قصدي بس انا لازم كنت اجي وراش لان الشي ضروري مايتحمل تأخير!!
ردت عليه زهراء وهي متخصره ليه : الله الله شنو هالشي اللي يربطني فيك ومايتحمل التأخير ؟؟!!!!!
ابتسم ابتسامه خفيفه وهو مستحي منها : لا بس انتين نسيتين بوكش على الطاوله وياه تلفونش وانا خفت عليهم ينباقون (ينسرقون) حاولت ألحق عليش بسرعه والحمدلله اني وصلت في الوقت المناسب لان اكيد هم اشياء ضروريه وسامحيني اذا ضايقتش
زهراء وهي منحرجه ومنزله راسها للارض وجهها عطى ألوان من الفشيله : هاا .. اي بوكي وتلفوني صدق خليتهم ومشيت عنهم اشوه جبتهم لي جان الحين بروح فيها من ابوي البوك كله كردت كارت
سكتت زهراء شوي وردت وهي عاضه عل شفايفها : اني آسفه ضنيتك من دلين اللي ماعندهم سالفه وانك لاحقني عشان تبي تعرف وين بيتنا
اكتفى هادي بإبتسامه هاديه مثله وهو حاط ايده على نظارته اللي ما يفصخها ابدا وهو يرفعها عن عيونه اللي طاحت على عيون زهراء اللي وقفت تطالع عيونه الفاتحه اللي كانت تلمع ورموشه اللي مكحلين عيونه وراسمينها ولون بشرته الحنطاوي وشعره اللي يتطاير على جبينه وهو يحاول انه يمسكه بايده
داخت زهراء من شافته وضلت ساكته وما انتبهت الا على صوت اختها الصغيره يجرها من طرف عبايتها عشان تدخل البيت
زينب واتفجرت في الضحك : ههههه مسكينة زهور داخت
هدى وهي تمسك ايد زينب وتكمل باقي كلامها : قصدش على قولة المصريين (وقعت ومحدش سمى عليها)
زينب وهدى تموا يضحكون لين سمعوا طقة الباب وسكتوا
زينب : الباب مفتوح دخلي فطوم
فاطمة : انتون كله مندعسين فوق محد يشوف وجوهكم يالجياكر
هدى :هاي انتين حدش عاد جيبي لي اي وحدة في العايله ربع جمال زينب وهدى في العائله كلها اقص ايدي
زينب : اي والله اني دورت ما حصلت احنا محتكرين الجمال هني حصريا بس على زنووب وهدووي
فاطمة : لا حول الا لله يجذبون الجذبه ويصدقونها ما اقول الا مالت على الشيف
زينب وهي حاضنه فاطمة من وراها : شفيها مرت اخوي الحليوه ليش مضايقه
فاطمة : اللي ياخذ من العائله يستانس بس هم ومشاكل ما اقول الا خلوها على الله المشكله بسيطه تكبر وتصير عائليه
فاطمة سكتت وردت كملت كلامها وهي ماسكه ايد زينب والايد الثانيه هدى : اخذوها نصيحه من اختكم لا تاخدون من العائلة
وظلوا ثلاثهم ساكتين للحظات
وحبت فاطمة تلطف الجو بدل من النكد اللي عيشت البنات فيه : تعالوا مو كأن قلبناها مسلسل عربي قديم
زينب وهدى قعدوا يطالعون في بعض والكل قعد يضحك لين ما اتذكرت فاطمة هي ليش راكبه فوق : امبييييي نسيتوني امي العوده تبيكم تحت
هدى : ويش صاير ؟؟؟؟
زينب وعلامات استفهام مرسومه على وجهها : شفيها امي العوده ؟؟؟
فاطمة وهي تضحك على اشكالهم : وشفيكم انتون ما قلت شي الا اختبصتون ترى امي فطووم ما تعض ولا فيها شي بس اكيد تبيكم تنزلون تحت شوي
زينب وهي تحس بالراحة : بس جدي فطووم اصلاً ماتقدر تقعد بدون زينب وهدى
هدى قاطعتها : اي زنووب لان احنا عيونها الثنتين انتين اليمين واني اليسار
فاطمه وهي تأشر عليهم بأيدها عشان تسكتهم : بسكم من الغرور ما تدرون اني فاطمة يعني اني ماخذه القلب وبدوني ماتقدر تعيش ولا ثانيه
وقعدوا يضحكون ثلاثهم وهم طالعين من الحجره ونازلين على الدرج
وشافوا جدتهم وظلوا زينب وهدى يبوّوسون جدتهم في كل مكان لين ما قعدت اتدزز فيهم
الجده : بس يا زينب والله احبش هلكتيني وانتين ياهدى شفطون خدودي
زينب : بس احبش وحشتينيييييي
هدى : ما اقدر على فراق الغاليه
الجده وهي تدزز فيهم كأنها تتغلى عليهم : اي لو تحبوني انجان مااندعستون فوق
هدى : خلاص فطوم الليله احنا سهرانين وياش لصبح كلشي ولا زعلش ولا ويش رايش زنوووب
زينب : اي عودوو اني الليله بشرب وياش مزتين قدوو افا عليش بس لاتزعلين
فاطمة وهي تضحك عليهم : بس صبغتونها بكلمتين يالحيالات ،
الا وتلفون هدى يرن
وتشوف الرقم وبدت تعابير وجهها تتغير وسكرت التلفون من شافت الرقم قبل ماترد

[size=16]ياترى من اللي متصل لهدى وخلاها ترتبك بهالطريقه ؟؟؟
وشنو بصير في البيت العود بوجود زينب وهدى ؟؟

[/size]

أنتظر ردودكم عشان اواصل في نقل الأجزاء الجايه

مشكور على الروايه الجميله..........

من طرف **نبع الحنان** الجمعة يوليو 23, 2010 3:02 pm

مشكور نتمنى المزيد..........

من طرف **قوس الحب** الجمعة يوليو 23, 2010 3:05 pm

مشكور نتمنى الباقي...........

من طرف **الحزين** الجمعة يوليو 23, 2010 3:07 pm

مشكور على الرواية الجميله..........

من طرف **وردة الروح** الجمعة يوليو 23, 2010 3:12 pm

مشكور نتمنى المزيد.........

من طرف **المجروحة** الجمعة يوليو 23, 2010 3:17 pm

مشكور نتمنى لك التوفيق.........

من طرف **ملاك الامل** الجمعة يوليو 23, 2010 3:20 pm

مشكور يا أخي........

من طرف **قرية الاحزان** الجمعة يوليو 23, 2010 3:36 pm

مشكور نتمنى الباقي.....

من طرف **وردة الجروح** الجمعة يوليو 23, 2010 3:54 pm

مشكور نتمنى الجزء الثاني.......

من طرف **ورقه الضلام** السبت يوليو 24, 2010 3:42 am

الجزء الثاني

الفصل الاول
في بيت ابو علي وبعد ما خلص هاليوم الشاق والطويل رجعوا ام علي وابو علي تعبانين بس خديجة ظلت مقهوره من حركة رباب وكلامها على ولدها علي وماقدرت تسكت وتخليها في قلبها ولا تقول لحسن وتفضفض له اللي بداخلها
خديجة وهي متردده وخايفه ان حسن يفهمها غلط انها تكون مكبره السالفه وغاوية مشاكل : حسن
حسن وهو يبدل ثيابه وداير ظهره لها : هاا
خديجة : شخباركم اليوم انشالله كلشي صار تمام ومانقصكم شي
حسن وهو يقعد على الكرسي الموجود في غرفتها الكبيره واللي هو قريب من البلكونه : اي والله كلشي كان تمام والحمدلله
خديجة : الحمدلله وسكتت ونزلت راسها ورددت رفعته بتردد : حس...حسن
حسن بإستغراب : فيش شي خديجة ؟؟؟!!!
خديجة وهي تبتسم لحسن عشان ماتخوفه : تبي شاي ؟؟
حسن : لا مشكوره بس ما ادري ليش احس ان في خاطرش شي قولي لاتترددين
خديجة : اي في خاطري بصراحة علي مو قادره اتحمل اشوفه يضيع شبابه جدي ولمتى بنقعد نتفرج عليه ونسكت عن اللي يسويه اني : .......، سكتت وبدت عيونها تلمع وتتجمع فيها الدموع وكانت تبي تكمل كلامها بس ما قدرت لانها حست روحها مختنقه وقامت وطلعت للبلكونه وبدت تصيح بصوت عالي
قام حسن وراح وراها عشان يهديها وحط ايده على جتفها : خلاص يا خديجه بحاول اكلمه بس ما ابي اضغط عليه انا بسوي اللي اقدر عليه وانشالله يصير خير
لفت خديجة وجهها ورمت روحها في حضن زوجها وهي تصيح بهدوء : ابي اشوف اولاده قبل لا اموت مو هاين عليّ حالته وياسر اذا شاف اخوه جدي هو بعد ما بيرضى يتزوج ولمتى بنظل على هالحال يا حسن اني امه ومو ذنبي ان خطيبته توفت وسببت له عقده اللي من عمره صار عندهم اولاد
حسن قاطعها وهو يدخلها داخل الحجره : خلاص يالغاليه انشالله يصير خير
خديجة وهي تبتسم : انشالله
تحت في المطبخ كان ياسر قاعد يشرب كوفي وهو يقرأ مجلة طبية ويدخل عليه علي
وهو فاتح الثلاجه وياكل بشراهه
ياسر وهو مستعجب من تصرفات اخوه : علي شوي شوي لا يصيدك اضطراب معوي
علي وبوزه مشحون اكل : جوعان ياخوك
ياسر وهو يبتسم : اوكي بس شوي شوي
علي حط الاكل فوق الطاوله : الا هدى وينهي العاده اشوفها سهرانه وبدووور مختفي غريبه
ياسر وهو قايم رايح عند باب المطبخ بعد ماخلص من شرب الكوفي : هدى نايمه في البيت العود ويا امي العوده وزينب بنت عمي حسين وبدووور نايم من الساعه 8 تعرف باجر عليه مدرسه مايقدر على السهر
علي : اهااا هدوووي ماتعطل روحها تستغل الفرص عشان تقعد ويا زنوب وانت وين بتروح توها الناس ما صارت الساعه 12
ياسر : لا والله قالوا ليك اشتغل في شركتكم تداومون على كيف كيفكم انا مرتبط بدوام وعندي مراجعات من الصبح زين يمديني انام لي جم ساعه
علي : محد قالك تشتغل وتلتزم افتح لك عياده خاصه وداوم على كيفك
ياسر : لا انا عاجبني الوضع جدي احب اخدم الناس
علي : اقول انت الحجي وياك ضايع مامنك فايده روح نام احسن
وطلع ياسر من المطبخ وقعد علي بروحه مرت عليه ذكريات مايحب انه يذكرها قعد يسترجعها ويقول لنفسه :آآآآآآآه يا دعاء ليش انتين انانيه لهدرجه انا ما احب اعيش في دنيا انتين مو فيها ليش ماخذيتيني وياش كلهم من يجي الليل يروحون لزوجاتهم انا من لييّ اروح لمن واكلم من ارتاح ويا من انا ما ابي شي من الدنيا ابيش تكونين وياي وانا اجي وياش نزلت دموعه ورجع لوعيه واستغفر ربه وركب حجرته ونام

الفصل الثاني
اما في بيت حسين فكان الجو هادئ والكل نايم ما عدا واحد رجع البيت الساعة 12ونص ودخل حجرته بدون لا احد يدري عنه
وفي بيت محمد وفاطمة الحياة روتينيه كل واحد فيهم ينام بغرفه لانهم مو قادرين يتحملون بعض اكثر محمد يروح البيت بس حق النوم وفاطمة تنام وفي حضنها بناتها وعايشه حياتها التعيسه كل يوم بدون اهتمام من زوجها
والبيت العود كانوا الشباب كلهم سهرانين أحمد العم الصديق وأمير الشاب الطايش وزينب الدلوعه وطبعا هدى اللي كان الكل يراقب تصرفاتها من بعد ما جاها داك الاتصال اللي عفس مزاجها فوق تحت
كانوا قاعدين يطالعون فلم رعب ومطفين الليتات وطبعا احنا ماننسى فضل احمد وامير في تخويف البنات واستخدامهم اساليب الرعب وهم فرحانين بصريخهم ولون وجههم المنصفق من الخوف
زينب : حموود والله اخاف لا تسويي ليّ جدي
احمد وهو ناوي على زينب : اقول زنوووبه قومي عمي جيبي ليّ ماي من تحت
امير واحمد يطالعون بعض ويتآمرون على زينب لانهم يدرون انها تخاف ويبون يسوون فيها مقلب مرعب
زينب وهي تبلع ريقها ومو عارفه شتقول لعمها وهي منحرجه منه : اني
احمد وهو يبتسم بخباثه : اي انتين
زينب بترجي لعمها : بنادي على شيري تجيب من الثلاجة
احمد : لا هذا الماي حار ابي من الكولر اللي تحت وشيري نامت من زمان
زينب وعيونها طالعه لبرا ولونها انقلب احمر واتغبنت : خل هدى ولا امير يجون وياي
احمد يقاطعها : اقول زنوووب لو كلنا ننزل وياش مو احسن
زينب وهي تسحب رجولها وخلاص بتصيح من الخوف : انشالله عمي بروح
وهي دايره ظهرها ونازلة على الدرج وتصيح بصوت خفيف شوي شوي راح احمد وحملها من رجولها وخلاها على رقبته وبعدين حملها امير من ارجولها واحمد من ايديها وفلتوها على الكرسي وعصبت عليهم زينب وقعدت ترمي المخدات وتفلعهم بالاغراض اللي على الكرسي
وهدى تشوف هالمشهد وميته من الضحك على بنت عمها الا ويرن تلفونها مره ثانيه ماعرفت شتسوي في هالحظه تمنت لو الارض تنشق وتبلعها تغيّر شكلها وسكرته بسرعه عشان محد ينتبه لكن تجري الرياح بما لا تشتهي السفن
احمد : هدى من يتصل ليش هالحزه؟؟
هدى سوت روحها تطالع التلفزيون وماتسمع عمها شيقول
احمد بدى يعصب على هدى : هدى .. هدى
هدى طالعت عمها : نعم
احمد بصراخ : اكلمش ليش ماتردين
هدى بخوف وارتباك : ما ادري اسفه ما حطيت بالي
احمد بطول صبر : سألتش من متصل فيش هالحزه
هدى وهي تحاول تعدل السالفه : ولا احد عمي وحده من صديقاتي تملل كله تتصل بهالوقت واني ما احب ارد عليها لان ماعندها سالفه
احمد وهو يبين عليه كلش مو مصدق : اييي فهميها انش بنت عايله وماتكلمين احد بنصاص الليالي
هدى وهي تهز راسها بالايجاب : انشالله .. انشالله عمي
الكل سكت وتعكر مزاج احمد وقام عشان يروح ينام وامير راح وراه وطبعا هدى قامت اول وحده كانت تبي تشرد من نظرات عمها المليانه شك وخوف وزينب ظلت قاعده في الصاله
احمد وامير وهم رايحين غرفهم مروا على غرفة البنات الا يسمعون صوت
..... : خلاص ما اقدر اتحمل بس لاتتصل فيني هالوقت ما ابي مشاكل ويا اهلي
مستحيل ... مستحيل اسوي اللي تبيه روح دور على غيري ........
احمد مسك ذراع امير : وقف زينب برا اشلون في صوت هذي تتكلم ويا من
امير :...........
احمد عصب وفتح الباب بقوه وهدى ظلت واقفه مجمده مكانها ومنصدمه من دخلة عمها وولد عمها عليها وما عرفت شتسوي ظلت ماسكه التلفون ومبطله عيونها ودخل احمد والشرار طالع من عيونه وسحب التلفون من ايدها
.............: حياتي وينش عطيني جواب طال انتظاري متى تجيني الشقه ولا انشر صورش بكل مكان ألو ليش ساكته ألو
احمد : سكر التلفون في وجهه

شبصير لهدى وشنو سالفة هالتلفون وهالصور ؟!!
وأخبار علي ولمتى بظل على هالحال؟!!

انتظر ردودكم ومروركم اخواني

من طرف **وردة الروح** السبت يوليو 24, 2010 3:47 am

مشكووور أخوي ع الباررت الجدييد
نتمنى تنزل البااارت الثالث
عما قريب
وننتضر المزيد من الأبداع والروايات
وسلمت الأنامل
تحياتي

من طرف **الحزين** السبت يوليو 24, 2010 3:51 am

ثــأآإنــ,,,كـــس على البارت
أخوي عجل في البارت الثالث
أنتضرك على أحر من الجمر

من طرف **ملاك الامل** السبت يوليو 24, 2010 3:57 am

وينك يا ورقة الضلام
أنتضر البارت لا تتأخر

من طرف **حزين و وحداني** السبت يوليو 24, 2010 4:01 am

مشكور أخوي على البارت الشيق والروعه
سلمت الأنامل
جاري أنتضار البارت الجديد
وأنشالله يكون روعه

من طرف **المجروحة** السبت يوليو 24, 2010 4:05 am

وااااااااااااااااو بارت روعه
يلا ننتظر البارت الجاي وأنشالله ما طولين علينا
مشكوور فديتج :ورقة الضلام:

من طرف **المجروحة** السبت يوليو 24, 2010 4:08 am

حزين و وحداني كتب:مشكور أخوي على البارت الشيق والروعه
سلمت الأنامل
جاري أنتضار البارت الجديد
وأنشالله يكون روعه

أخوي بلاك على ورقة الضلام
أسمها ورقة مب ورق
يعني ولد مب بنت

من طرف **قوس الحب** السبت يوليو 24, 2010 4:14 am

وااااااااااااااااااو البارت جوناان
بليز كثري من البارت الجاي
أحسهم وايد صغاار <<ليش لهم عمر ..؟

من طرف **نبع الحنان** السبت يوليو 24, 2010 4:20 am

روعه البارت
مشكورة حبيبتي
أنتضر البارت الجديد

من طرف **قرية الاحزان** السبت يوليو 24, 2010 4:29 am

مشكوره خيتو على الرواية وعلى البارت الشيق
أنتضر البارت اليديد
على أحر من الجمر
بلييز لاتتأخرين علينا

من طرف **وردة الجروح** السبت يوليو 24, 2010 4:36 am

[بلييييييييييييييييييييينزلي البات الجديد
بسرععه
ما أقدر أتحمل أكثر من جذيه

من طرف **وردة الليل** السبت يوليو 24, 2010 11:27 am

مشكور على البارك نريد البارك الجديد

من طرف **بحر المشاعر** السبت يوليو 24, 2010 11:30 am

بلييييييييييز نزل البارك الجديد

من طرف **محرومة** السبت يوليو 24, 2010 11:32 am

مشكور على البارك الجميل نتمنى تنزل البارك في السرع وقت

من طرف **بنوتة** السبت يوليو 24, 2010 11:34 am

مشكور أخوي نتمنى البارك الجديد

من طرف **ورقه الضلام** السبت يوليو 24, 2010 1:25 pm

الجزء الثالث
الفصل الاول
في بيت حسين ومحد كان في البيت غير ام محمد وابو محمد لان محمد ساكن في بيته بروحه وامير وزينب في البيت العود
ابو محمد : البيت فاضي اولادش دلين مايعرفون ينامون في بيتهم
ام محمد : شسوي امير وين مايروح عمه لاحق وراه وزينب قالت بتنام عند امك ويا هدى بنت عمها
ابو محمد : شخبار ولدش ويا مرته
ام محمد : والله من ديك المره ما ادري عنه شي
ابو محمد وهو يشرب من الشاي اللي في ايده حط الكوب على الطاوله : قصدش من يوم اللي قال يبي يعرس على بنت اخويي
ام محمد وهي تصب الشاي في كوبتها : والله يا حسين الولد ما ينلام يبي يجيبون ليه ولد يشيل اسمه واسمك
ابو محمد يقاطعها : بعدهم صغار وانشالله بجيبون ويش وراهم
ام محمد بإبتسامه : انشالله الله يسمع منك يارب
...............: صباح الخير على احلى اثنين
ابو محمد متفاجئ : ...........
ام محمد : يابعد عمري متى رجعت وليش ما قلتلنا نروح لك المطار وليش وجهك صاير اصفر اكيد ماتاكل عدل ويعلى افادي ولدي ضعفان
قاسم يقاطعها : ماما
وترد ام محمد : اي اكيد كله دراسه على الجوع وماتهتم بصحتك
وتفاجئوا اثنينهم بواحد ترك ليهم المكان ومشى عنهم
ام محمد : ماعليه ماما للحين ابوك ماخذ على خاطره منك شوي
قاسم : ليش يعني لازم ادرس التخصص اللي هو يبيه واقعد واقضي عمري في الشركه ولا مابيرضى عني
وما كمل كلامه ومشى عنها
ام محمد : تعال قاسم اتريق لاتطلع على الجوع
قاسم : ماما صديقي جاي وياي من الامارات بروح اشوفه في الفندق بروحه
ام محمد : زين ماما جيبه البيت ليش تخليه بروحه عيب خله ينام في الملحق واعزمه على الغدا خلنا نتعرف عليه
قاسم : ما اظن يرضى بس احاول اقنعه واذا على الغدا انشالله اعزمه اليوم وانتين يالغاليه تفنني لنا بأكلاتش العجيبه خلنا نذوقه الاكل البحريني
ام محمد : ليش هو مو بحريني
قاسم وهو ماشي : لا ماما عراقي يالله اشوفش الظهر على خير
ام محمد : على خير حبيبي
وقامت ام محمد وقعدت على الكرسي ومسكت سماعة التلفون : ألو
........: ألو صباح الخير يا وجه الخير
ام محمد : حمووود ليش ماتتصل ماتستحي ما تسأل على امك ولا كل هذا من فطوووم شاغله بالك ومنستنك اهلك
محمد : لا والله يا ام محمد بس انا كله محكور في هالشركه ما اطلع الا في الليل رجلش وحمّيش قاصيين علي وبالنسبة لفاطمه خليها على الله
ام محمد : انا ياولدي ما ابي ادخل في حياتك بس هذي بنت عمك وانت اللي لازم تحافظ عليها وتسعدها واذا على الولد بجيك انتون بعدكم صغار
محمد ماعجبته السالفه بس حاول يمشي الموضوع ويا امه وخصوصا انه انجبر ياخذ بنت عمه وجاب منه 3 بنات وقلبه كلش ما مال لها يمكن لانها دائما تتجنبه وتتهرب منه : انشالله يا ام محمد ..فاطمه في عيوني لاتوصيني على بنت عمي وام بناتي
ام محمد وهي تبي تسكر التلفون : اليوم تعال انت ومرتك وبناتك اتغدى في بيتنا
واتصل لامير اخوك خله يرجع هو ويا زينب لان جاينه ضيف على الغدا
محمد بملل: ومنهو هذا بعد ؟؟!!
ام محمد : عيب ماما ما يقولون جدي انت للحين ماتعرف الرجال هذا زميل اخوك قاسم في الجامعة
محمد : ليش قاسم رجع؟؟؟؟؟؟؟؟؟
ام محمد : اي صحي نسيت اقول ليك
محمد : بس هو ما كمل
ام محمد : اي جاي اسبوع وراجع
محمد : اهاا ... خير انشالله يالله اماه مع السلامه
ام محمد : الله يسلمك ويحفظك ياوليدي........

الفصل الثاني
خديجة وهي قاعده تقرأ الجريده وتشرب شاي الا ويرن تلفون البيت
خديجة وهي تنادي على الخدامه : ماري ... ماري جيبي التلفون
خديجة وهي قايمه : خدامات اخر زمن مامنهم فايده اقوم بروحي احسن
راحت وقعدت على الكرسي ورفعت سماعة التلفون : ألو
....... : ألو
ام علي : فطوووم ويش فيش ؟؟؟!!!!؟؟؟
فاطمه : ...........
ام علي : بس بس اكيد محمد
فاطمة : لا اماه بس اصبح عليش شخبارش وشخبار ابوي واخواني انشالله كلكم بخير
ام علي : كلنا بخير يا بعد عمري
فاطمه : الحمدلله وبدووووري شخباره نسيت اجيب ليه اللعبه اللي جابها ليه محمد من لندن بس خله يتصل يذكرني قبل ما اجي
ام علي : انشالله بقوليه انتين بتمرين اليوم ؟
فاطمه : لا محمد اتصل وقال ان عمتي عازمتنه لان قاسم جاي في اجازه
ام علي : خير انشالله بس ما اوصيش عمتش لاتاخدين على كلامها تراها تحبش ومثلي يعني في مقام امش
فاطمه : انشالله يالله مع السلامه
ام علي : الله يسلمش بوّسي لييّ البنات وسلمي على محمد
فاطمه : انشالله يوصل
وسكرت ام علي التلفون ويا بنتها وحطت ايدها على خدها وقعدت تفكر بحال هالمسكينه اللي ظلموها يوم اجبروها على ولد عمها اللي من اتزوجته وهم مو طايقين بعض كأنهم بس اولاد عم مو زوجين وبينهم 3 بنات
ام علي وهي تقول لنفسها : ياريت يافطوم اقدر اشيل عنش شوي ياريتني اقدر اخليش تحبين محمد ومحمد يحبش وتعيشون حالكم حال كل الناس وتمت سرحانه لين ما جاها واحد من وراها وباسها بوسه قويه على خدها وهو حاضننها من وراها
............: الله الله كل هذا تفكرين فيني يا احلى ورده بهالبيت
ام علي : هلا حبيبي الا راجع من وقت ليكون فيك شي
علي : لا اماه بس خلصت شغلي من وقت اليوم .. بس ما قلتين لي تفكرين في شنو
ام علي : افكر في حظي
علي وهو مبتسم : من وجهة نظري انه احلى حظ في الدنيا مو كفايه اني واحد من اولادش
ام علي وهي مختنقه بعبرتها والدمعه محبوسه داخل عيونها وماسكتها بكل قوتها: اي والله صدقت وسكتت وهي تقول لنفسها والله محد كاسرني غيرك يا علي
الا ودخلت ياسر عليهم : سلام عليكم
ام علي وعلي يردون عليه : وعليكم السلام
وهو راكب الدرج ورايح غرفته
علي : وين على الله خوك تعال اقعد ويانه شوي
ياسر بروح اتسبح وانام لي ساعتين لاني راجع المستشفى العصر
ام علي بلهفه على ولدها : خير ياولدي فيك شي .... والغدا ما بتتغدا ويانا
ياسر : لا اماه مو مشتهي وكمل طريقه
علي اللي حس ان امه زعلت واخدت على خاطرها من ياسر و حط ايده على جتفها وهو يحاول يهديها : ما عليه اماه اكيد تعبان بس يقعد العصر اكيد بياكل ليه اي شي
ام علي باستسلام : سوو اللي تبوونه اصلا وجودي وعدم وجودي واحد اني مثل الطوف في هالبيت
هني عصب علي وحس صدق ياسر مصخها بتصرفاته وطبعا نسى روحه ورفضه للزواج اللي هو بعد سبب من اسباب ضيق امه وترك امه وركب فوق لاخوه عشان يكلمه .... علي وهو مقرب للباب سمع ياسر يتكلم في التلفون
ياسر : لا انا اليوم مشغول
.........: اي بس انت وحشتني تعال لو نص ساعه بس اشوفك
ياسر : اذا خلصت شغلي من وقت امر عليش انا بعد مشتاق ليش موت ياروحي
وانتين تعرفين اني احبش اكثر من روحي بس انا لازم افرض نفسي الحين عشان اتفوق في سنة التدريب وانتين لازم تخافين على مستقبلنا لان واحد انشالله
وهني علي تسمر على الباب مو عارف شيسوي يطق الباب او يرجع مد ايده على الباب ورجع له شريط ذكرياته مع دعاء والكلام الحليو واول مره قال ليها انه يحبها واول مره يسمعها منها ونزلت دموعه من غير مايحس فيها الا والباب ينفتح
ياسر بإستغراب : علي شفيك تصيح امي فيها شي
علي بعده جامد مكانه ومو حاس لياسر :.............
ياسر وهو يهز جتف علي : علي .. علي .. علي شفيك شصاير؟
هني وعى علي لنفسه : هاا .. اي انا .. كنت جاي.. وسكت
ياسر بخوف : شفيك جاوبني
علي : ولا شي بس كنت ابي اكلمك عن امي يادكتور ياللي تخاف على الناس وتسهر على راحتهم وامك خليتها تصيح ولا اهتميت لها وهي تترجاك تتغدا ويانا لو ليوم واحد ... ما يصير ياخوك تنسى الناس وتنسى اهلك وانت مو اول ولا اخر دكتور في العالم اللي تسوي كل اللي تسويه
ياسر : بس انا ما قلت شي بس لان ما ابي اتغدا ابي انام شوي
علي : انا ما ابي ادخل في حياتك بس احنا اهلك ولينا حق عليك
وطلع علي وهو صافق بباب حجرة ياسر وكأنه صوت الصفعه نبهت ياسر عن اللي هو فيه
ونزل ورى اخوه بسرعه وراح باس راس امه وتأسف منها
ام علي مستغربة ومو فاهمه شي : شفيك ياسر ؟؟ مابتنام؟؟
ياسر : لا اماه بتغدى وياكم اليوم
ام علي ابتسمت بفرحه : صج والله
ياسر وهو يلوم نفسه ويعاتب نفسه وهو يقول في نفسه آآآآآآآآآآه يا ام علي بس قلت بتغدا وياش فرحتين ياكثر طيبة قلبش يا احلى ام
ياسر وهو واعي لنفسه : اي اماه صج
ام علي : بتنتظر الباقي والا اخليهم ينجبون لك
ياسر : ليش وين الباقي؟؟؟؟
ام علي : ابوك للحين مارجع من الشركه وهدى بتتغدى في البيت العود وبدوور نايم متغدي من الساعه 12
ياسر : خلاص عجل ننتظر ابوي لين ما يجي
ام علي : خير انشالله

الفصل الثالث
ويبقى حال هدى معلق في ايد عمها
بعد سالفه البارحه احمد اخذ التلفون من هدى وحبسها في غرفتها وظل سهران للصبح وهو معصب في غرفته ومحد قدر يكلمه حتى امير اقرب صديق له وطبعا زينب اللي ظلت رايحه راجعة على غرفه هدى تبي تكلمها مو عارفه وفي نفس الوقت كانت خايفه من حالة عمها وظلوا على هالحال لصبح محد قدر ينام الكل كان متوتر والجو متكهرب داخل الغرفه عند هدى اللي محد يعرف حالتها الا الله مسكينة عيونها ذبلوا من كثر الصياح وطبعا شعرها اللي راح يا حرام في ايد احمد وهو ينتفه ولا وجهها وخدودها المتوهج من كثر الطراقات
طلع احمد من غرفته وشاف امير وزينب واقفين في الصاله اللي فوق وخايفين من شكل احمد اللي كان ما يطمن واكيد ناوي على الشر
احمد وهو يفرك ايده في شعره : امير اخذ اختك وروحوا البيت
امير : احمد .... بس
احمد يقاطعه بصراخ : روحوا بيتكم وخلني اربي هالخايسه
امير ما حب يكبر السالفه : يالله زينب
زينب بترجي وصياح : لا الله يخليكم ابي اقعد هني ما اقدر اخلي هدى بروحها
احمد وزاد صوته في الصريخ وبنفاذ صبر : امير قلت لك اخذ اختك واكسر الشر وروح
زينب بصياح : لالالالالالالالا
احمد راح وسحب زينب من ايدها ودفعها على الباب : اللهم طولش ياروح يالله امير روحوا
وسحب امير اخته غصب وطلعوا من البيت
وبعدها فتح احمد الباب على هدى ولقاها قاعده في حجره ظلام ومعفسه فوق تحت والاغراض منثره في كل مكان وعيونه تدّور في كل مكان بس ما لقاها وقف عند الباب وحاول يتماسك نفسه .. بطل الليتات وقام يمشي شوي شوي وهو يعد خطواته ويطالع كل جهة في الغرفه على وعسى يلقاها بس مالقاها طق باب الحمام
احمد : طق .. طق .. هدى انتين داخل .... هذي وين راحت
وقعد يوسوس وبقول في نفسه : الله يستر جان مو شردت ... لالا مستحيل ماتتجرأ بس من وين بتشرد اصلاً ماتقدر
وهو يمشي لاحظ شي تحت الستاره وراح بخوف ورفع الستاره ولقى هدى قاعده وضامه رجولها لصدرها وميته من الخوف وهي تشهق من كثر الصياح ولما شافته حطت ايدها على راسها وكأنها تبي تمنعه انه يضربها مره ثانيه وهي يرتفع صوتها مره ثانيه بالصياح اكثر واكثر
هدى بصياح وخوف : لااااااااااااا عمي
ورفعها من ذراعها وهو يصارخ : عمى يعميش يالحماره
هدى بترجي : عطني فرصه اتكلم
احمد وهو يعض على شفايفه من القهر : اي اكيد بتشرحين يالتافهه ، ودفعها على السرير : دقيقتين والاقيش جاهزه
وطلع من الحجره وراح غير ثيابه ولبس بانطلون جينز ازرق وجاكيت جلد خفيف كابس اسود جلد مثل الجاكيت ونظاره شمسيه طلعت شكله احلى وبينت لون بشرته الفاتحه وخشمه الطويل وخصوصا لان هو طويل وشعره كثيف وناعم
وراح وفتح الباب على هدى اللي يبين عليها انها مكسوره
احمد بلامبالاه : يالله انا في السياره
هدى بهمس وهي تجر رجولها على الارض : انشالله
هدى وهي طالعه من البيت تلاقت ويا جدتها
الجده : بتروحين هدوووي
هدى بإبتسامه : اي عودوو باجر عندي امتحان بروح ادرس
الجده : بالتوفيق
هدى بحزن : ادعيلي
وطلعت وسكرت الباب وراها وركبت ويا احمد السياره وكان طبعا السكوت سيد المكان وكل واحد فيهم يطالع الشارع وعاطي ظهره للثاني
. .................................................. ....
ومن جهة ثانية زينب غربلت امير وهي تصيح وتترجاه يرجعها للبيت العود عشان تشوف بنت عمها وتتطمن عليها بس امير كان طول الوقت ساكت لان محترق على بنت عمه ومعصب مثل احمد لان هذي بنت عمه وشايله اسمه والوضع مو عاجبنه

.................................................. ...........................................
ووصلو احمد وهدى للبحر ونزل احمد من السياره وظل قاعد يتأمل للبحر وكان الود وده انه يصارخ ويطلع كل اللي في قلبه بس كتمها داخل نفسه وانتظر لين ماتكون هدى جاهزه للكلام وتنزل من السياره وتجي تصارحه بكل شي .. بعدها حس ان في احد قاعد جنبه ويتنفس بقوه
هدى بحزن : احمد .. آسفه اقصد عمي ممكن سؤال؟!
احمد بدون ما يلف وجهه عليها ولا يطالعها : قولي البحر يسمعش
هدى تحاول تتشجع وتتكلم : انت ليش اناني ؟؟
احمد تفاجئ منها ودار وجهه وطالعها بنظرات كلها حقد واحتقار : نعم ؟!!؟؟
هدى قاطعته : اي اناني حاولت انك تكون سيد الموقف بس وماعطيتني مجال اتكلم نزلت فيني سب واهانات بس عشان انت عمي لغيت شخصيتي عشان تظهر شخصيتك على حسابي بدون ما تسأل عن اسبابي
احمد وقف وعصب اكثر من كلامها : بعد ؟؟ .. تبين تبررين فعلتش وتغلطين بعد
هدى ودموعها بدت تتطاير من عيونها : شفت اشلون انت ما سألتي عن الاسباب بس تهجمت علي
احمد :...............، سكت شوي وقال : قولي السالفه مستعد اسمعش للاخير
هدى : هذا ما اعرفه صار له فتره يتصل ويهددني واني ما حبيت اقول لاحد ما حسيت السالفه تستاهل واخواني اللي فيهم مكفنهم وحسيت السالفه بتضرني اكثر مابتنفعني ، وبدا صوتها يعلى في الصياح : وأولهم انت وامير وحتى زينب فهمتون السالفه وفسرتونها على كيفكم ومحد حاول يفهم الموضوع مني
استمرت في الصياح واحمد عاطنها ظهره : يقول ان ماخذ صوري من كمبيوتر مهكرنه ولعب فيهم وهو يعرف اسمي واسم عائلتي وبينشرهم في كل مكان عشان يفضحني اذا ما ......... ،وسكتت واكتفت بالصياح
احمد ولف وهو يطالعها بطرف عينه وكأنه مو مصدقها : اذا شنو قولي لا تطلعيني من طوري اكثر ولا تخليني اعصب اكثر وارميش في البحر واخلص منش ومن شرش ونفتك من فضايحش
هدى هدأت نفسها شوي : اذا مارحت له الشقه وسلمته نفسي ومو ليه وبس ليه ولربعه كلهم ولا بيفضحني
بعدها طاحت هدى على ركبها وهي تصيح : والله يا عمي مالي ذنب واني ما اعرف هالاشكال وما اعرف صديقات من هالنوع بس اني خايفه تعبت واني شايله هالهم بروحي ... بعد كلشي طبت السالفه على راسي اني
احمد اللي حس بسخافة اللي سواه في بنت اخوه نزل ليها ورفعها من على الارض : خلاص .. بس لاتصيحين انا مصدقنش بس عطيني ارقام التلفونات اللي يتصل منهم وانا اعرف اشلون اربيه اعرف اشلون اعلمه اشلون يحترم بنات الاوادم
احمد اخذها وحط راسها في حضنه وهو يحاول يهديها : الحمدلله انش ما سمعتين كلامه واتهورتين والحمدلله انها جت على جدي بس
وبعدين ركبوا السياره واخذ احمد تلفونه واتصل لبيت حسن اخوه يخبرهم ان هدى بتتغدى وياه وان برجعها المغرب وهو فهم تفاصيل السالفه منها بطلعة وياها عشان يعرف يتصرف ويا هالنذل

يتبع الجزء الرابع

من طرف **وردة الروح** السبت يوليو 24, 2010 1:27 pm

مشكور أخوي باركاتك روعه

من طرف **الحزين** السبت يوليو 24, 2010 1:29 pm

مشكوره خيتو على الرواية وعلى البارت الشيق
أنتضر البارت اليديد
على أحر من الجمر
بلييز لاتتأخرين علينا

من طرف **ملاك الامل** السبت يوليو 24, 2010 1:31 pm

مشكور أخوي نتمنى البارك الجديد

من طرف **حزين و وحداني** السبت يوليو 24, 2010 1:33 pm

مشكووور أخوي ع الباررت الجدييد
نتمنى تنزل البااارت الثالث
عما قريب
وننتضر المزيد من الأبداع والروايات
وسلمت الأنامل
تحياتي

من طرف **المجروحة** السبت يوليو 24, 2010 1:35 pm

ثــأآإنــ,,,كـــس على البارت
أخوي عجل في البارت الثالث
أنتضرك على أحر من الجمر

من طرف **قوس الحب** السبت يوليو 24, 2010 1:36 pm

مشكور أخوي على البارت الشيق والروعه
سلمت الأنامل
جاري أنتضار البارت الجديد
وأنشالله يكون روعه

من طرف **نبع الحنان** السبت يوليو 24, 2010 1:39 pm

مشكور نتمنى البارك الرابع في السرع وقت

من طرف **قرية الاحزان** السبت يوليو 24, 2010 1:41 pm

احنا في اتظار البارت على احر من الجمر

من طرف **وردة الجروح** السبت يوليو 24, 2010 1:44 pm

الصراحه شدتني القصه واااجد وشكلها من بدايتها حليوة ننتظر الأجزاء الجايه والى الامام انشاء الله

من طرف **وردة الليل** السبت يوليو 24, 2010 1:45 pm

مشكووورة القصة حدها رووعة
واحنا بانتظار البارت الجديد

من طرف **بحر المشاعر** السبت يوليو 24, 2010 1:48 pm

ننطر البارت اللي عقبه يا1 ..

ننطر البارت اللي عقبه يا1 ..

من طرف **محرومة** السبت يوليو 24, 2010 1:51 pm

القصة صراحة ولا اروع وتراجحمستينا واحنا ع انتظار البارت اليديد
ثانكس

من طرف **بنوتة** السبت يوليو 24, 2010 1:52 pm

والله قصة روووووووووووعه

بس ضرووووووري ابي اتكملة

ماتقصرين خيوووو

تحياتي روايات بحرينيه 0005

بنكووو

من طرف **وردة الروح** السبت يوليو 24, 2010 2:33 pm

حلوه القصه تسلم ايدج

من طرف **الحزين** الإثنين يوليو 26, 2010 1:38 pm

وااااااااااااااااااااااااااااااااو حبيبتي والله تسلمين لناا جم باارت اهيييييييي عااد الهلمرة نزليهااا كامل ومشكووووورة تحياتي P!NkYa

من طرف **ملاك الامل** الإثنين يوليو 26, 2010 1:42 pm

مشكووووووووووووووورة خيووو على البااارت

وننتظر البااارت القاااااااااااادم

بنكوووووووووووو

العفووو خيوو واذا جفت ردود اكثر بنزل البارت الجاي

من طرف **المجروحة** الإثنين يوليو 26, 2010 1:45 pm

يسلمو حبوبة ع القصة الحلوة
لا تتأخري علينا في الباارت الجاي بلييييييز
احنا ننتظرش ع أحر من الجمر

من طرف **قوس الحب** الإثنين يوليو 26, 2010 1:47 pm

خيووووووووووووو

عااااااااااااااااد نبي التكملة

بليييييييييييييييييييييييييييييييز

تحياتي

من طرف **ورقه الضلام** الإثنين يوليو 26, 2010 1:53 pm

الجزء الرابع
الفصل الاول
في بيت ابو محمد في الصاله اللي برا البيت كان قاسم وصديقه العراقي حيدر كانو قاعدين يشربون شاي ويتكلمون عن الجامعه واصدقائهم اللي وياهم ويتذكرون مواقفهم المحرجه مع الدكاتره
قاسم وهو ميت من الضحك على حيدر : تذكر يوم توقفك الدكتوره وتطلع مخابيك يازعم عندك براشيم وانت شكلك تقلب الوان من الفشيله ، قعد يضحك وكمل كلامه : ولا بعد كل ماتطلع شي يطلع لها دعاء حاط لك مفاتيح الجنان في مخابيك وهي مو فاهمه عربي على بالها انك مبرشم بالعربي
حيدر يقاطع قاسم وهو يضحك : اي انا ردت اشرح إلها وهي تريدني اترجم لها الدعاء بوقت الامتحان
قاسم وهو واقف ويأشر لحيدر :عاد كلشي ولا الدكتورة كاثرين ما ادري شفيها عليك من تدخل تفتش فيك يبين عليها المسكينه كانت معجبة فيك
حيدر وهو يهز راسها بالنفي : لا بالعكس هي تخاف مني تفكرني عراقي ارهابي
قاسم وهو نافخ صدره : يعني انا ماشي ويا بادي جارد
قاسم وحيدر : ههههههههههههه، ظلوا يضحكووون على روحهم
قاسم وهو رايح لجهة الباب اللي يطل على داخل البيت : عن اذنك بروح اشوف اخواني جو ولا للحين عشان نتغدى متنا من الجوع
حيدر وهو يضحك وحاط ايده على راسه ويمشط شعره فيها : اخذ راحتك عمي عادي انا انتظر ما عندي مشكله ماجوعان هوايه

وبهالوقت وصلو زينب وامير ودخلو داخل بس طبعا ما يعرفون بوجود الضيف اللي في المجلس الخارجي امير بند السياره
التفت على زينب : انا نازل متى ما اتفضلتين شرفي داخل البيت .. يعني لين شبعتين صياح وياريت تعديل وجهش وماتخلين احد يشك انش عورتين راسي من الصياح
زينب اللي تحتقره على اللي سواه ان خله عمه يضرب هدى وهو واقف ما قدر يسوي شي او حتى يمنعه : مو نازله كيفي
امير وهو راقع بباب السياره : موتي حر بالطقاق
بعد ثواني من دخول امير البيت زينب استحرت ونزلت من السياره بس مادخلت من باب البيت عشان امها ماتشوفها بهالحاله دخلت من باب المجلس عشان تصعد غرفتها مباشره وماتلتقي بأحد لان مزاجها مايتحمل ، فصخت شيلتها من الحر وجهها كان احمر من حرارة الشمس غطى على لونها الابيض وخصلات شعرها اللي كانت نازلة على عيونها وهي تحاول تبعدها ورى اذونها
دخلت زينب المجلس بدون ماتهتم كانت ماشيه بسرعه بس وهي ماشه اصطدمت بشخص اول مره تشوفه كان طويل اطول منها لدرجة انها رفعت راسها عشان تعرف من هذا وتفاجأت بشاب عيونه عسليه لوزيه واسعه ومفتوحه بالكحل اللي رسمتها رموشه وحواجبه المرسومين وشعره اللي كان ونازل على جبينه
كان شاب وسيم لابس ثوب اماراتيه لانه عايش في الامارات انبهرت فيه زينب وقفت تتأمله شكله وعيونه اللي خذوها لعالم ثاني حست ان كلشي واقف حتى الساعة وقفت بهاللحظه لان عيونها طاحت في عيونه وهو قعد يبادلها النظرات لان جمالها الطفولي جذب نظراته ونقاوة بشرتها وشفايفها اللي كانوا جافين من حرارة الشمس ووجنتينها المتوهجين وعيونها الفاتحه اللي تعكس لونها اشعة الشمس وحواجبها العراض اللي كانوا محلين وجهها وعاطينها مظهر انثوي اكثر
وعت زينب على نفسها بعد هاللحظة
زينب وعيونها محمره من الصياح ولازالت متنرفزه : انت من ؟؟ شتسوي هني ؟؟
حيدر اتبهدل مو عارف شيرد عليها وهو مايدري هذي من وهي بدون حجاب استحى ونزل راسه : انا ..انااا
زينب وهي عاقده حواجبها ومرفعه صوتها : انت من ؟ ، وفي هاللحظه انتبهت لروحها ان هي بدون حجاب لمت شعره بعجله ولبست حجابها بطريقه حلّت شكلها اكثر : هذا بيتنا وين امي ، وعيونها دمعت وقعدت تصيح : امي وين راحت وين وديتها اخوي توى داخل وين راح
زادت زينب في الصياح وصار شكلها حلو وهي خايفه وقعدت على الكرسي ونزلت راسها وطاحت الشيله من فوق راسها وانفل شعرها الناعم على جتفها وهني في هاللحظه اتورط حيدر مو عارف اشلون يهديها ما يقدر يلمسها ولا يقدر يتكلم لانها بتهجم عليه بس مو هاين عليه شكل زينب قلبه تقطع عليها بس حاول ينطق ببعض الكلمات على وعسى تهدأ شوي
حيدر بتردد : اناا .. انااا صدقي ما قصدي
قاطعته زينب وهي تصارخ : مو قصدك شنو هاااا ،وهي ماسكتنه من ثوبه وتهزه : انت اكيد حرامي دخلت بيتنا وسويت في امي وامير شي ويمكن ابوي بعد
وهي ماحست على نفسها الا بدخلة اخوانها قاسم وامير وهم منصدمين من هالموقف اللي صار قدام عيونهم
قاسم يصارخ بحمق : زيــــــــــــــنب
زينب لفت وجهها وشافت اخوها والدموع ماليه عيونها : قاااااااااسم !!!!
راح امير وسحبها من ايدها وحط شيلتها على راسها وجراها لداخل البيت وهو معصب على تصرفاتها الغبية اللي احرجتهم قدام الضيف
قاسم بإحراج شديد ومو عارف اشلون يبدي : حيدر .. انا اسف اختي ماكانت تدري
حيدر قعد بصدمه على الكرسي مو عارف اشلون يتصرف ظل راسه في الارض ومنحرج كان يبي يرفع راسه ويكلم قاسم بس مو عارف وخصوصا انه شاف اخته بهالحاله وبدون حجاب
ظلوا اثنينهم ساكتين
حيدر يعاتب نفسه والود وده يمشي وما يتكلم ابدا ويا قاسم وقاسم متفشل من اللي سوته زينب
حيدر كسر حاجز الصمت وبتردد : قاسم ..انا ماجنت اقصد
قاسم قاطعه : الذنب مو ذنبك .. اختي ماتعرفك ومو متعوده تشوف ناس في بيتنا
حيدر وقف : خلاص قاسم خل نمشي غير مره انشالله
قاسم بعصبيه : وين تمشي مستحيل والغدا اللي مسوينه عشانك انت اللي خل مشيتك لغير مره
حيدر ابتسم بإحراج وقعد : صدقني اذا فيها احراج خلني امشي
قاسم بإلحاح : اقعد بلا حجي زايد
.................................................. ..........................

امير وهو يجرجر زينب على الارض وهو معصب عليها على الموقف البايخ اللي حطتهم فيه ولو الود وده في هاللحظه يفغصها ويخلص عليها بس المشكله انها اخته الوحيده ويموت عليها
فتح باب غرفتها الكبيره ورماها على الارض بكل قوه لين ما حست ان عظامها تكسرت وقفل عليها باب الغرفه وهو مقلد تصرف عمه بكل جبروت بدون ما يحس فيها وتمت المسكينه تصيح لين مانامت وهي على الارض
.................................................. ..............

بهالوقت وصلو محمد وزوجته فاطمة وبناتهم محمد وحسين ابو محمد لان كان طالع معاه من الشركه بسياره وحده وراحت فاطمه المطبخ تساعد عمتها ويعطون اوامرهم للخدم في توزيع الاكل للمجلس اللي فيه الضيف
وبعدها تغدو الرجال وكان هدوء على الاكل بسبب ضعف العلاقه اللي بين قاسم وابوه والخلاف اللي بينهم
وبعد ماخلصوا غدا شربوا الشاي واستأذن ابو محمد من حيدر عشان يروح يرتاح شوي لان راجع من الدوام وقعدوا الشباب بروحهم محمد وامير وقاسم وحيدر
وكل واحد كأن عايش في عالم بروحه
محمد يفكر في فاطمة وعمرهم اللي قاعد يضيع على هالحال
امير يفكر في هدى بنت عمه عرضه وشرفه وتصرفاته الطايشه اللي حكم عليها من الظاهر وليس الباطن واخته وحركاتها الجنونيه من الضيف اللي فشلتهم ووطت راسهم للارض
قاسم اللي يفكر انه يعدل علاقته بأبوه وموفاهم شي من تصرفات اخته وخايف عليها في نفس الوقت انها استجنت
وحيدر اللي مو قادر ينسى شكل زينب اللي دخلت روحه وهو ماسك ثوبه مكان اللي كانت ماسكتنه ويحس ان ريحتها تعلقت فيه ويتذكر عيونها اللي انرسمت في راسه وشفايفها اللي ترد له روحه وشكل عيونها وهي تدمع اشلون عصرت قلبه ويرد يصحي روحه ويقول لنفسه : انت شتقول يا حيدر هذي اخت صديقك ما يصير تخونه هيجي ، ويرد يفكر فيها ومو قادر يطلعها من باله هي وحركاتها العفويه وهو خايف عليها من ردة فعل اخوانها عليها يخاف يأذون هالملاك الصغير ويكون هو السبب طبعا
ويرد يكلم نفسه : انا ليش هيجي البنت اكيد كانت عندها مشكله وانا ماجيت الا بهاليوم وتعرضت لهالمشكله واذيت البنت وياي .. ويرد يقول لنفسه لا اكيد هذي الله رزقني بيها تحلي ايامي وتفرحني
وظل حيدر على هالافكار لين مارجع للفندق وهو فكره تاخذه وفكره ترجعه وظل على هالحال لين بعد اذان الفجر صلى ونام وهو يحلم بشكل زينب

انتظر ردودكم لا تخذلوني

يسلموووووو
يعطيش العافية ع القصة الروعة نتظر التكمله باسرع وقت
بايووو
لا تتاخرين بالبارت يسلمو خيتوو روايات بحرينيه Icon_biggrin

من طرف **وردة الجروح** الإثنين يوليو 26, 2010 2:01 pm

تسلمييييين خيوو

نتظر البارت الجااي

لاا تتأخيرين علينا عاد

من طرف **وردة الليل** الإثنين يوليو 26, 2010 2:04 pm

تسلمووووون حبايبي على متابعتكم لقصتي
وانشاء الله الليلة انزل البارت عشانكم بس

من طرف **بحر المشاعر** الإثنين يوليو 26, 2010 2:07 pm

يسلموو خيو على الباارت

بإنتظار البارت الجاي ,,